চাওঁতে চাওঁতে আহি পালে হেঁপাহৰ ৰঙালী; আজি মানুহ বিহু

চাওঁতে চাওঁতে আহি পালে হেঁপাহৰ ৰঙালী। উছাহ উদ্দীপনাৰে অসমবাসীয়ে উদযাপন কৰিছে হেঁপাহৰ ৰঙালীক। আজি পহিলা ব’হাগ। ৭ বিহু অনুসৰি আজি বিহুৰ দ্বিতীয় দিন। আজি মানুহৰ বিহু।

আজিৰ দিনটোতে কনিষ্ঠজনে ঘৰৰ জ্যেষ্ঠজনক সেৱা জনায়। নেদেখা জনৰ ওচৰত আশিস বিচাৰি পুৱাই উপাসনাস্থলীত ভিৰ কৰিছে একাংশই। হেঁপাহৰ বিহুটিৰ ৰং-আনন্দত মতলীয়া ৰাজ্যবাসী।

ঢোল-পেঁপাৰ মাতত ৰজনজনাইছে ৰাজ্য। ৰাজ্যৰ ভিন্ন প্ৰান্তত অনুষ্ঠিত হৈছে বোকাখেল। বছৰটোৰ মংগল কামনাৰে কনিষ্ঠজনে ল’লে জ্যেষ্ঠৰ সেৱা।

ঠায়ে ঠায়ে অনুষ্ঠিত বিহুৰ বৰ্ণিল কাৰ্যসূচী। বিহুৰ বতৰত সাতখন-আঠখন ঢুলীয়া-নাচনীৰ মন। ডেকা- বুঢ়া সকলো ব্যস্ত ঘৰে ঘৰে হুঁচৰি গোৱাত। পৰম্পৰা অনুসৰি ঠাই ভেদে জীয়ৰী সকলে গছৰ তলত বিহু মৰাও দেখা যায়।