জনতাৰ মূৰত মাধমাৰ শোধাই ২৬৬ টকাকৈ বৃদ্ধি ৰন্ধন গেছৰ মূল্য!

সৰ্বসাধাৰণৰ মূৰত মাধমাৰ শোধাই পুনৰ বৃদ্ধি পালে ৰন্ধন গেছৰ মূল্য। সোমবাৰে, বাণিজ্যিক চিলিণ্ডাৰৰ মূল্য বৃদ্ধি পালে ২৬৬ টকাকৈ।

দেশৰ ৰাজধানী দিল্লীত ১৯ কিলোগ্ৰামৰ বাণিজ্যিক চিলিণ্ডাৰৰ দাম আজিৰে পৰা হ’ল ২০০০.৫০ টকা। ইয়াৰ পূৰ্বে ১৭৩৪ টকা আছিল এই চিলিণ্ডাৰৰ দাম।

তাৰোপৰি এলপিজি বাণিজ্যিক চিলিণ্ডাৰ এতিয়া মুম্বাইত ১৯৫০ টকা হোৱাৰ বিপৰীতে কলকাতাত ২০৭৩.৫০ হৈছেগৈ টকা । আনহাতে, চেন্নাইত ১৯ কিলোগ্ৰামৰ চিলিণ্ডাৰৰ মূল্য ২১৩৩ টকা।

অৱশ্যে, পূৰ্বে বৃদ্ধি পোৱা ঘৰুৱা ৰন্ধন গেছৰ চিলিণ্ডাৰৰ মূল্য বৃদ্ধি হোৱা নাই। বাণিজ্যিক চিলিণ্ডাৰৰ অনুপাতে ঘৰুৱা ৰন্ধন গেছৰ চিলিণ্ডাৰৰ দাম বৃদ্ধি কৰা হোৱা নাই।