অশ্লীল ছবি নির্মাণ কৰা গোচৰত দোষী সাব্যস্ত হোৱা বলীউডৰ অভিনেত্রী শিল্পা ছেট্টীৰ স্বামী ৰাজ কুন্দ্রাৰ কার্যালয়ত উদ্ধাৰ হৈছে এক গোপন কাপব’ৰ্ড৷ ৰহস্যজনক এই কাপব’ৰ্ডক লৈ মুম্বাই আৰক্ষীৰ অপৰাধ শাখাই ইতিমধ্যে তদন্ত আৰম্ভ কৰিছে৷
লক্ষণীয়ভাৱে ৰাজ কুন্দ্রাক অশ্লীল ছবি নির্মাণৰ ক্ষেত্রত অবৈধ ধনৰ লেনদেন হোৱা বিষয়টোক লৈ ইতিমধ্যে এনফ’ৰ্চমেণ্ট সঞ্চালকালয়ে তদন্ত চলোৱাৰ সিদ্ধান্ত লৈছে৷ ইফালে, অশ্লীল ছবি নির্মাণৰ গোচৰত ৰাজ কুন্দ্রাৰ বিৰুদ্ধে তেওঁৰেই চাৰিগৰাকী কর্মীয়ে কুন্দ্রাৰ গোচৰটোত সাক্ষ্যদান কৰিব বুলি ঘোষণা কৰিছে৷
