২০২২ বৰ্ষত কোনকেইখন ভাৰতীয় চলচ্চিত্ৰই মোহিত কৰিছিল বিশ্ববাসীক? চাও আহক
এইবছৰত জিলিকি উঠিছিল দাক্ষিণাত্য চলচ্চিত্ৰ আৰু সমগ্ৰ ভাৰতৰ ব্লকবাষ্টাৰ হিচাপে প্ৰতিষ্ঠা হৈছিল দক্ষিণ ভাৰতৰ ছবি।
২০২২ বৰ্ষটো ভাৰতৰ ছবিজগতৰ কাৰণে এক গুৰুত্বপূৰ্ণ বছৰ, কিয়নো এইটো বছৰতে সমগ্ৰ ভাৰতৰ চলচ্চিত্ৰই বিশ্বদখল কৰিছিল। এইবছৰত জিলিকি উঠিছিল দাক্ষিণাত্য চলচ্চিত্ৰ আৰু সমগ্ৰ ভাৰতৰ ব্লকবাষ্টাৰ হিচাপে প্ৰতিষ্ঠা হৈছিল দক্ষিণ ভাৰতৰ ছবি। বৃহৎ বাজেটৰ চলচ্চিত্ৰবোৰ এক উচ্চাভিলাষী স্কেলত আৰোহণ কৰিছিল, বহুভাষিক ফ্লিক( multi-lingual flicks) আহিছিল, আৰু দৰ্শকসকলক আচৰিত কৰি তুলিছিল।এই চলচ্চিত্ৰ কেইখনে ৰেকৰ্ডৰ ওপৰত ৰেকৰ্ড ভাঙিছিল। গতিকে, ভাৰতীয় বক্স অফিচত ইতিহাস সৃষ্টি কৰা চলচ্চিত্ৰবোৰলৈ ঘূৰি চাওঁ আহক।
RRR-
মাষ্টাৰ গল্পকাৰ এছ এছ ৰাজামৌলীৰ দ্বাৰা পৰিচালিত, ৰাম চৰণ, জুনিয়ৰ এনটিআৰ, অজয় দেৱগন আৰু আলিয়া ভট্ট অভিনীত ছবিখনে ভাৰতত 1000 কোটিতকৈও অধিক উপাৰ্জন কৰিছিল। আৰ.আৰ.আৰ.কেৱল ভাৰততে এক সফলতা নাছিল জাপানৰ দৰে বিদেশী বজাৰত আন্তৰ্জাতিক সফলতা অৰ্জন কৰিছিল, য’ত ই সৰ্বাধিক উপাৰ্জন কৰা ভাৰতীয় চলচ্চিত্ৰ হৈ পৰিছিল। এই ৪২৫ কোটি বাজেটৰ চলচ্চিত্ৰখনে বিশ্বজুৰি ১১৩১.১ কোটি সংগ্ৰহ কৰিছিল।
KGF-2
আৰ.আৰ.আৰ.-ৰ মাত্ৰ ২ সপ্তাহৰ পিছত, অভিনেতা যশৰ ২০১৮ ৰ কানাড়া ভাষাৰ চলচ্চিত্ৰ কে.জি.এফ. : অধ্যায় ১-ৰ বহু প্ৰতীক্ষিত চিকুৱেলখন মুক্তি পায়। প্ৰশান্ত নীল-পৰিচালিত পিৰিয়ড একচন চলচ্চিত্ৰখন ইয়াৰ চিনেমেট্ৰ’গ্ৰাফী, পৃষ্ঠভূমি সংগীত আৰু প্ৰদৰ্শনৰ বাবে প্ৰশংসিত হৈছিল। কেজিএফ ২য়ে সমগ্ৰ ভাৰতত এক ডাঙৰ সফলতা লাভ কৰে, যি শেষলৈ বছৰটোৰ সৰ্বাধিক উপাৰ্জন কৰা ছবি হিচাপে পৰিগণিত হয়। ই বিশ্বব্যাপী মুঠ ১২২৮.৩ কোটি টকা সংগ্ৰহ কৰিছিল।
PONNIYIN SELVAN-1
মণি ৰত্নমৰ মহাকাব্যিক পৰিচালিত পনিয়িন চেলভান পাৰ্ট ৱানত ঐশ্বৰ্য ৰায়, বিক্ৰম, তৃষায়ে অভিনয় কৰিছিল। চলচ্চিত্ৰখনে চোল ৰাজবংশৰ (Chola Dynasty) কাহিনী বৰ্ণনা কৰিছিল। পিএছ-1-য়ে বিশ্বস্তৰত ৰেকৰ্ড ভংগ কৰে, আৰু এতিয়া পনিয়িন চেলভানৰ দ্বিতীয় অংশটো 28 এপ্ৰিল, 2023 তাৰিখে চিনেমাগৃহত মুক্তি পাব। চলচ্চিত্ৰখনে বিশ্বজুৰি ৫০০ কোটি টকা সংগ্ৰহ কৰিছিল।
KANTARA
ঋষভ চেট্টীৰ দ্বাৰা পৰিচালিত এই কানাড়া ভাষাৰ চলচ্চিত্ৰখন সমগ্ৰ ভাৰততে এক আচৰিত ব্লকবাষ্টাৰ হিচাপে প্ৰমাণিত হৈছিল। ২০ কোটি টকাতকৈও কম পৰিমাণত, কৰ্ণাটকৰ স্থানীয় ‘ভূতা কোলা’ সংস্কৃতিৰ নিষ্কলুষ চিত্ৰায়ন প্ৰস্তুত কৰা হৈছিল, আৰু ই দেশবাসীক হতবাক কৰি তুলিছিল। ইয়াৰ গৃহ ৰাজ্যত সফলতা লাভ কৰি, চলচ্চিত্ৰখনে হিন্দী ভাষী দৰ্শকৰ মনত প্ৰভাৱ পেলাইছিল, যি টো প্ৰত্যাশিততকৈ আচৰিতভাৱে বক্স অফিচত সফলতা হৈ পৰিছিল কিয়নো ছবিখনৰ কোনো অভিনেতাই আগতে উত্তৰ ভাৰতত জনাজাত নাছিল। ছবিখনে বিশ্বজুৰি ৩৯৩.৩ কোটি টকাৰ অধিক সংগ্ৰহ কৰিছিল
BRAHMASHTRA: PART ONE: SHIVA
বহু প্ৰত্যাশিত ৰণবীৰ কাপুৰ-আলিয়া ভাট অভিনীত চলচ্চিত্ৰখন বক্স অফিচত প্ৰদৰ্শিত হৈছিল আৰু বিশ্বজুৰি ২৬৩ কোটি টকাৰ অধিক সংগ্ৰহ কৰিছিল। চলচ্চিত্ৰখনে ইয়াৰ শ্ৰোতাসকলক ইয়াৰ দৃশ্য-শ্ৰাব্য প্ৰভাৱ আৰু পৌৰাণিক কাহিনীৰ থিমযুক্ত প্লটৰ দ্বাৰা আকৰ্ষিত কৰিছিল।
