বৰপেটাৰ দংৰা গাঁও পঞ্চায়তত অৰুণোদয় আঁচনিৰ নামত খেলিমেলিৰ অভিযোগ

বৰপেটাৰ দংৰা গাঁও পঞ্চায়তত অৰুণোদয় আঁচনিৰ নামত খেলিমেলিৰ অভিযোগ ৷ ধনৰ লেনদেনেৰে যোগ্য প্ৰাৰ্থীক বঞ্চিত কৰাৰ অভিযোগ একাংশ হিতাধিকাৰীৰ।  দংৰা গাঁও পঞ্চায়তৰ সভাপতি ছাহ আলম আৰু ৰহমপুৰ গাৱৰ ৱাৰ্ড মেম্বাৰ জাকিৰ হুছেইনৰ বিৰুদ্ধে উত্থাপন হৈছে এই অভিযোগ ।

ইতিমধ্যে গাঁও পঞ্চায়তখনত অৰুণোদয় আঁচনিত হোৱা খেলিমেলিৰ বিৰুদ্ধে বৰপেটাৰ জিলা উপায়ুক্তক অভিযোগ দাখিল কৰিছে বঞ্চিত হিতাধিকাৰীসকলে৷আনকি ক্ষোভিত হিতাধিকাৰীসকলে অৰুণোদয় আঁচনি ৰূপায়নৰ ক্ষেত্ৰত হোৱা অনিয়মৰ বিৰুদ্ধে ৰূপায়ন কৰিছে ধৰ্ণা কাৰ্যসূচী ।