বিদ্যুত বিভাগৰ আজৱ কাণ্ড৷ বিদ্যুত সংযোগ নিদিয়াকৈ গ্ৰাহকলৈ আহিল বিদ্যুতৰ বিল৷ বিদ্যুত বিভাগৰ টোগলকী কাণ্ডত চিন্তিত ৰাইজ৷
বাক্সাৰ বৰমা বিধানসভা সমষ্টিৰ অন্তৰ্গত পুৰাণ চাওতাল বস্তিত সংঘটিত হৈছে এই ঘটনা৷ ভাৰত-ভূটান সীমান্তৰ পুৰাণ চাওতাল বস্তিত বিদ্যুত বিভাগৰ বৰমা-বৰঝাৰ উপ-সংমণ্ডলৰ অধীনত বিদ্যুত সংযোগ কৰা হৈছিল যদিও গাঁওখনত থকা ট্ৰেন্সফৰ্মাৰটো বিগত এবছৰ ধৰি বিকল হৈ আছে৷ যাৰফলত গাঁওখন বিগত এবছৰ ধৰি বিদ্যুতৰ পোহৰ লাভৰ পৰা বঞ্চিত হৈ আহিছে ৷
গাঁওখনৰ ৰাইজে বিদ্যুত বিভাগক ট্ৰেন্সফৰ্মাৰটো সলনি কৰি দিবলৈ আবেদন কৰিলেও কোনো সুফল পোৱা নাই ৷ তাৰ বিপৰিতে বিদ্যুত বিভাগে মাহে মাহে গাঁওখনৰ প্ৰতিটো পৰিয়াল লৈ প্ৰেৰণ কৰি আহিছে বিদ্যুতৰ বিল৷ যাৰ পৰিপ্ৰেক্ষিতত বিদ্যুত সংযোগ নোহোৱাকৈ পৰিয়ালসমূহলৈ বিভাগটোৱে বিদ্যুতৰ বিল প্ৰেৰণ কৰাত চিন্তিত হৈ পৰিছে৷
