গুণোৎসৱৰ সময়তে কদৰ্যময় পৰিৱেশত শিক্ষাগ্ৰহণ এজাক কণমানিৰ

নুমলীগড়ৰ এখন কৰুণ ছবি।

অত্যন্ত অস্বাস্থ্যকৰ পৰিৱেশত শিক্ষা গ্ৰহণ কৰিছে এজাক কণমানিয়ে।

নুমলীগড়ৰ মৰঙিৰ ২নং মাধৱপুৰ অংগনবাড়ী কেন্দ্ৰত এই কাণ্ড। যি সময়ত গুণোৎসৱৰ জৰিয়তে শিক্ষা ব্যৱস্থাক উন্নত কৰাৰ প্ৰয়াস কৰিছে সেই সময়তে এজাক শিশুৱে কৰুণভাৱে শিক্ষা জীৱনৰ আদিপাঠ আৰম্ভ কৰিছে। কেউফালে অস্বাস্থ্যকৰ পৰিৱেশ। কোঠাত নাই টিনপাত, নাই দৰ্জা-খিৰিকি। কেউফালে লেতেৰা পৰিৱেশ। তাৰ মাজতে পঢ়িবলৈ বহে কণমানিসকল। বৰষুম হ’লে পঢ়াৰ উপাই নাথাকে। প্ৰখৰ ৰ’দ হ’লেও ভিতৰত থাকিবলৈ অসুবিধা।

আচলতে শিক্ষা লোৱা ঘৰটোৱে কিছু বছৰৰ পূৰ্বে ধুমূহাত বিধ্বস্ত হৈছিল। তেতিয়াৰে পৰা আৰু ছিক কৰা নহ’ল। তাৰ মাজতেই শিশুসকলে লৈছে শিক্ষা।