কাটাৰ বিশ্বকাপ জয়ী হোৱাৰ পিছৰে পৰা মেছীৰ ন’ ন’ তথ্য সামাজিক মাধ্যমত চৰ্চাৰ কেন্দ্ৰবিন্দু হৈ পৰিছে। ইনষ্টাগ্ৰামত মেছিৰ বিশ্বকাপ পোষ্ট সমুহে এতিয়ালৈকে আটাইতকৈ অধিক লাইক লাভ কৰিছে। শেষতীয়াকৈ সামাজিক মাধ্যমত ব্যপক হাৰত ভাইৰেল হৈছে মেছিৰ বিশ্বকাপ ট্ৰফীৰ সৈতে দিয়া ফ’টো। বৰ্তমানলৈকে ফটোখনে মুঠ 68,573,093 লাইক লাভ কৰিছে আৰু যিয়ে এক অভিলেখ সৃষ্টি কৰিছে।
জুকাৰবাৰ্গে নিজৰ পোষ্টত লিখিছেঃ লিঅ’ মেছিৰ বিশ্বকাপ পোষ্ট এতিয়া ইনষ্টাগ্ৰামত ইতিহাসত আটাইতকৈ অধিক লাইক পোৱা ফ’টো। ইয়াৰোপৰি মেছিয়ে ইনষ্টাগ্ৰামত বিশ্বকাপ সফলতাৰ চমু ফ’টো ভিডিঅ শ্বেয়াৰ কৰিছিল য’ত এতিয়ালৈকে ১৫ কোটি লাইক লাভ কৰিছে।
