লাম্পিৰ ভয়াবহতা! নাৰায়ণপুৰত উদং হৈছে বহু পৰিয়ালৰ গোহালি।

নাৰায়ণপুৰৰ নৈপৰীয়া অঞ্চলত ভয়াবহ ৰূপ ধাৰণ কৰিছে লাম্পিয়ে৷ উদং হৈছে বহু পৰিয়ালৰ গোহালি৷ নাৰায়ণপুৰ আৰু মাজুলীৰ সীমান্তৱৰ্তী ব্ৰহ্মপুত্ৰৰ পাৰৰ বহুকেইখন গাঁৱত লাম্পি ৰোগে লৈছে ভয়াৱহ ৰূপ। এই ৰোগ বিধৰ বাবে নাৰায়ণপুৰৰ অধিকাংশ পৰিয়ালৰ গোহালী এক প্ৰকাৰ উদং হৈ পৰিছে৷

ইতিমধ্যে যথেষ্ট সংখ্যক গৰু মৃত্যু মুখত পৰিছে৷ ইমানৰ পিছতো ৰাজ্যৰ বিয়াগোম পশুপালন বিভাগে কোনো গুৰুত্ব নিদিয়াত দিশহাৰা হৈ পৰিছে কৃষকসকল৷ শীঘ্ৰে ৰোগ প্ৰতিৰোধৰ দাবী জনাইছে নৈ পৰীয়া ৰাইজে।