কেন্দ্ৰীয় আবকাৰী আৰু শুল্ক বিভাগে গুৱাহাটীত এক কোটি ৭৭ লাখ টকা মূল্যৰ সোণ জব্দ কৰাৰ লগতে এজন লোকক গ্ৰেপ্তাৰ কৰিছে।
৩ কেজি ৬০০ গ্ৰাম ওজনৰ মুঠ ২২ টুকুৰা সোণ জব্দ কৰে আৰক্ষীয়ে। গ্ৰেপ্তাৰ কৰা লোকজন হৈছে মহাৰাষ্ট্ৰৰ শ্ৰী ৰাজপুত কেন্দ্ৰ মানিক সিং।
ডাউন টাউন চিকিৎসালয়ৰ সমীপত আৰক্ষীয়ে গ্ৰেপ্তাৰ কৰে মানিক সিঙক। বিভাগটোৰ গুৱাহাটী ডিভিজনৰ সহ আয়ুক্ত বৰুণ যাদৱৰ নেতৃত্বত চলোৱা হৈছিল অভিযান। তেওঁক সহযোগ কৰিছিল আয়ুষ পল, সঞ্জীত দাস, বিপিন কুমাৰ, নিশি গাৰ্গ আৰু ৰৌনক চাংমায়ে।
