বিহালী আৰক্ষী থানাত কনিষ্টবলৰ আত্মহত্যা।

বিশ্বনাথৰ বিহালী আৰক্ষী থানাত অঘটন। থানাৰ চৌহদতে আত্মহত্যা কনিষ্টবলৰ। ছাৰ্ভিছ পিষ্টলেৰে গুলী কৰি আত্মহত্যা।আত্মহত্যা কৰা ব্যক্তিজনৰ নাম ললিত তেৰাং। মৃত ললিত তেৰাঙৰ ঘৰ বিশ্বনাথৰ গহপুৰত। বৰ্তমানলৈ জানিব পৰা হোৱা নাই আত্মহত্যাৰ কাৰণ। নিশা আত্মহত্যা কৰিছিল কনিষ্টবল ললিত তেৰাঙে।

দণ্ডাধীশৰ উপস্থিতিত বিশ্বনাথৰ অতিৰিক্ত আৰক্ষী অধীক্ষক কুলেন্দ্ৰ নাথে সমগ্ৰ ঘটনাৰ তদন্ত আৰম্ভ কৰা হৈছে বুলি জানিবলৈ দিয়ে৷ ইফালে পৰিয়ালৰ লোকে ঘটনাৰ উচিত তদন্ত বিচাৰিছে যদিও এই মূহুৰ্তলৈকে জোৱানজনৰ আত্মহত্যাৰ প্ৰকৃত কাৰণ জানিব পৰা হোৱা নাই৷