ভাৰতীয় স্বাস্থ্যসেৱা প্ৰদানকাৰী সংস্থা, উত্তৰ-পূব ১ আৰু উত্তৰ-পূব ২ অধ্যায় (এ এইচ পি আই এনই 1 আৰু 2) 21 ছেপ্টেম্বৰত (শনিবাৰে) ৰেডিচন ব্লুত উত্তৰ-পূব স্বাস্থ্যসেৱা ব্যৱস্থাপনা সন্মিলন 2024 আয়োজন কৰিব। শনিবাৰে শঙ্কৰদেৱ নেত্ৰালয়ত অনুস্থিত হোৱা এখন সভাত সকলো মূল সমিতিৰ সদস্যৰ উপস্থিতিত ঘোষণা কৰে। প্ৰযুক্তি আৰু উদ্ভাৱনৰ জৰিয়তে স্বাস্থ্যসেৱাত উৎকৃষ্টতা, বহনক্ষম আৰু স্বাস্থ্যসেৱা উৎকৰ্ষৰ দিশত, প্ৰত্যাহ্বানৰ পৰা সুযোগলৈ, উত্তৰ-পূব স্বাস্থ্য সেৱা পৰিস্থিতিৰ দৃষ্টান্ত পৰিৱৰ্তনৰ লক্ষ্য সংস্থাসমূহৰ, উত্তৰ-পূব ভাৰতত স্বাস্থ্যসেৱা বুজা, উত্তৰ-পূব ভাৰতত স্বাস্থ্যসেৱা পুনৰ নিৰ্ধাৰণ কৰা, উত্তৰ-পূব ভাৰতত উদীয়মান স্বাস্থ্য সেৱাৰ বিষয়ে আলোচনা কৰা হ’ব । দেশৰ স্বাস্থ্যসেৱা উদ্যোগৰ প্ৰখ্যাত বিশেষজ্ঞসকল পেনেলিষ্ট আৰু বক্তা হিচাপে উপস্থিত থাকিব।
প্ৰায় ২০০ৰো অধিক প্ৰতিনিধিয়ে সন্মিলনত উপস্থিত থাকিব বুলি সভাত জানিবলৈ দিয়ে । উত্তৰ-পূবত স্বাস্থ্যসেৱা প্ৰদানৰ মানদণ্ড উন্নত কৰাৰ বাবে শক্তিশালী নেটৱৰ্ক স্থাপন আৰু ইজনে সিজনৰ সৈতে মূল্যৱান ধাৰণা ভাগ বতৰা কৰাৰ বাবে অঞ্চলটোৰ স্বাস্থ্যসেৱা প্ৰদানকাৰী আৰু দেশৰ অন্যান্য প্ৰতিনিধিসকলৰ বাবে এই সন্মিলনখন এক মঞ্চ হ’ব । ড০ গিৰিধৰ জ্ঞানী, ড০ নোমল চন্দ্ৰ বৰা, ড০ সুভাষ খান্না, ড০ আলেকজেণ্ডাৰ থমাছ, ড০ ৰবীন্দ্ৰ কৰণজেকাৰ, ড০ পি এইচ পালিনে মুখ্য বক্তাসকল উপস্থিত থাকিব । অসমত এ এইচ পি আইৰ প্ৰায় ৫০ খন সদস্য চিকিৎসালয় আৰু নাৰ্চিং হোম আছে বুলি জানিবলৈ দিয়ে ।
এই বৈঠকত ড০ হৰ্ষ ভট্টাচাৰ্য, নিৰ্লাভা মৃদুল মজুমদাৰ, ড০ জয়ন্ত প্ৰসাদ শৰ্মা, ড০ জিত পাটোৱাৰী, ৰোহিত উপাধ্যায়, ড০ সীমা কোঁৱৰ, ড০ গীতাৰ্থ ৰয় মেধি, ময়ূৰাক্ষী দত্ত, ড০ প্ৰজ্ঞান কলিতা, আয়শকান্ত চক্ৰৱৰ্তী, মনোজ ডেকা, সত্যব্ৰত বৰুৱা, গৌতম ৰাজখোৱা, ড০ মাইনুলাৰ ৰহমান, ড০ প্ৰমোদ পাহাৰিয়া আৰু অম্বৰীশ চক্ৰৱৰ্তী উপস্থিত থাকে। হোটেল ৰত্ন মৌলী প্ৰাসাদত ২০ ছেপ্টেম্বৰত এখন প্ৰাক সন্মিলন কৰ্মশালা অনুষ্ঠিত কৰা হ’ব বুলি উদ্যোগতাসকলে জানিবলৈ দিয়ে ।
