বন্ধ নহয় পেট্ৰ’ল পাম্প। প্ৰত্যাহাৰ কৰা হ’ল পেট্ৰ’ল পাম্প বন্ধৰ কাৰ্যসূচী। দুদিনৰ বাবে পেট্ৰ’ল-ডিজেল এছ’চিয়েছনে পেট্ৰ’ল পাম্প বন্ধৰ ঘোষণা কৰাৰ পিছতেই চিন্তিত হৈ পৰিছিল ৰাজ্যবাসী।
বৃহস্পতিবাৰে, বিয়লি পেট্ৰ’ল-ডিজেল এছ’চিয়েছন আৰু তেল কোম্পানীৰ সৈতে বৈঠকত মিলিত হয় কামৰূপ মহানগৰৰ উপায়ুক্ত। মহানগৰ জিলা উপায়ুক্তৰ কাৰ্যালয়তে সম্পূৰ্ণ হয় এই বৈঠক।
বৈঠকৰ অন্তত বন্ধ প্ৰত্যাহাৰ কৰিলে পেট্ৰ’লিয়াম ডিলাৰ এছ’চিয়েছনে। দুদিনীয়া বন্ধ প্ৰত্যাহাৰৰ ঘোষণা কৰিলে মহানগৰ উপায়ুক্ত বিশ্বজিৎ পেগুৱে।
উল্লেখ্য যে, পেট্ৰ’ল-ডিজেল এছ’চিয়েছনৰ দাবী সমাধানৰ আশ্বাস প্ৰশাসনৰ। পেট্ৰ’ল-ডিজেল এছ’চিয়েছনে উত্থাপন কৰা ১০টা দাবীৰ ভিতৰত কেইটামান দাবী মানি ল’বলৈ মান্তি হৈছে তেল কোম্পানী।
