কাবুলৰ পৰা স্বদেশলৈ উভতি আহিল ভাৰতীয় নাগৰিক
বিশেষ বিমানেৰে ভাৰতলৈ লৈ অহা হয় ১৩৫ জন ভাৰতীয় নাগৰিকক
অৱশেষত স্বদেশলৈ উভতি আহিল ভাৰতীয় নাগৰিক। কিছুদিন পূৰ্বে আফগানিস্তানৰ ৰাজধানী কাবুলৰ পৰা দোহালৈ স্থানান্তৰিত কৰা হৈছিল ১৩৫ জন ভাৰতীয় নাগৰিকক। দোহাৰ পৰা বিশেষ বিমানেৰে পুনৰ ভাৰতলৈ লৈ অহা হয় ভাৰতীয় লোককেইজনক।
কাবুলত থকা ভাৰতীয় দূতাবাসে দেওবাৰে সদৰী কৰে এই কথা।
https://twitter.com/IndEmbDoha/status/1429164928078917636
দেওবাৰে আফগানিস্তানৰ পৰা ভাৰতলৈ বিভিন্ন লক্ষ্যস্থান আৰু বিমানেৰে উভতি আহিব ৫০০ জন লোক। এখন এয়াৰ ইণ্ডিয়াৰ বিমানে ৮৭জন ভাৰতীয়ক লৈ তাজিকিস্তানৰ পৰা নতুন দিল্লীলৈ অহাৰ কথা জনায় বৈদেশিক পৰিক্ৰমা মন্ত্ৰালয়ৰ মুখপাত্ৰ অৰিন্দম বাগসীয়ে।
https://twitter.com/MEAIndia/status/1429169267887329282
তালিবানে দখল কৰা কাবুলত আৱদ্ধ হৈ থকা ভাৰতীয়সকলক দেশলৈ ঘূৰাই আনিবৰ বাবে চেষ্টা কৰিছে ভাৰতে। ভাৰতীয় বায়ু সেনাই এতিয়া পৰ্যন্ত কাবুলৰ পৰা উদ্ধাৰ কৰি ভাৰতলৈ লৈ আহিছে বহুকেইজন ভাৰতীয় নাগৰিকক।
