এমাজন কোম্পানীৰ পুনৰ চাকৰি কৰ্তন।শেহতীয়া ছুটীৰ ৰাউণ্ডত বুধবাৰে এমাজনে ঘোষণা কৰিছিল যে, তেওঁলোকে ১৬ হাজাৰ কৰ্পৰেট পজিচন কৰ্তন কৰিব।এই ছুটী বিগত চাৰি মাহত কোম্পানীটোৰ দ্বিতীয়টো বৃহৎ ছুটী হিচাপে পৰিগণিত হৈছে।
কোম্পানীটোৰ এই সিদ্ধান্তই বহুতো কৰ্মচাৰী কৰ্মৰ ক্ষেত্ৰত ক্ষতি হৈছে। আভ্যন্তৰীণ স্লেকৰ বাৰ্তাত প্ৰকাশ পোৱা গৈছে যে শেহতীয়া ৰাউণ্ডৰ ছুটীৰ ফলত ক্ষতিগ্ৰস্ত হোৱাসকল হৈছে আমেৰিকা, ব্ৰিটেইন আৰু ভাৰতৰ কৰ্মচাৰী।কৰ্মচাৰী সকলক চাকৰি কৰ্তন কৰাৰ বিষয়ে অৱগত কৰা হৈছিল বুলি বিজনেছ ইনচাইডে প্ৰকাশ কৰিছে। এমাজন কোম্পানীৰ গোটসমূহৰ ব্যৱসায় একাধিক ক্ষেত্ৰত বিস্তৃত হৈ আছে। এই ছুটীত ক্ষতিগ্ৰস্ত হোৱাসকলৰ ভিতৰত আছে এমাজন ৱেব চাৰ্ভিচেছৰ ভিতৰৰ দলসমূহ, যেনে বেডৰক এআই ক্লাউড চাৰ্ভিচ, ৰেডশ্বিফ্ট ক্লাউড ডাটা ৱেৰহাউছ আৰু প্ৰ’চাৰ্ভ কনচালটিং ইউনিটৰ লগতে প্ৰাইম চাবস্ক্ৰিপচন ব্যৱসায় আৰু শেষ মাইলৰ ডেলিভাৰী এক্সপিৰিয়েন্স সংস্থাৰ দৰে খুচুৰা কেন্দ্ৰিক দলসমূহ।কৰ্তনৰ ফলত প্ৰভাৱিত হোৱা বহু কৰ্মচাৰীয়ে চাকৰিৰ লিড বিচাৰি আভ্যন্তৰীণ স্লেক চেনেলত পোষ্ট কৰিছে, তেওঁলোকে চফট্ ৱেৰ ইঞ্জিনিয়াৰিঙৰ পদত কাম কৰিছিল।
এমাজন কোম্পানীয়ে জনোৱা মতে আমেৰিকা যুক্তৰাষ্ট্ৰৰ বেছিসংখ্যক কৰ্মচাৰীক কোম্পানীটোৰ ভিতৰত আন এটা ভূমিকা বিচাৰিবলৈ ৯০ দিনৰ সময় দিছে। যিসকল শ্ৰমিকে নতুন পদ নিশ্চিত নকৰে, বা এটা পদ গ্ৰহণ কৰাৰ পথ বাছি নলয়, তেওঁলোকে সহায়ৰ বাবে যোগ্য হ’ব য’ত ছেভাৰেন্স পে আৰু অবিৰত স্বাস্থ্য বীমা কভাৰেজ অন্তৰ্ভুক্ত কৰা হ’ব।যদিও কোম্পানীটোৱে বিশ্বজুৰি ১৫ লাখতকৈ অধিক লোকক নিয়োজিত কৰিছে কিন্তু ইয়াৰ কৰ্পৰেট কৰ্মচাৰীয়ে সেই সংখ্যাৰ বহু কম অংশ গঠন কৰে, মুঠতে প্ৰায় ৩ লাখ ৫০ হাজাৰ কৰ্মচাৰী।
