গোৰেশ্বৰত ড্ৰাইভাৰৰ প্ৰ*#হাৰত আহত আৰক্ষী নায়ক

গোৰেশ্বৰ থানাৰ চৌহদৰ ভিতৰত সুৰক্ষিত নহয় আৰক্ষী। বৃহস্পতিবাৰে নিশা থানাৰ হোমগাৰ্ড ড্ৰাইভাৰ আব্দুল আলীৰ প্ৰহাৰত আহত আৰক্ষী নায়ক পৰেশ ডেকা।

ব্যক্তিগত সংঘাতৰ পৰিণতিত এই ভয়ংকৰ মাৰপিতৰ ঘটনাৰ সংঘটিত হোৱাৰ সন্দেহ । ঘটনাৰ অভিযোগ অনুসৰি প্ৰথমে চালক আব্দুল আলীক প্ৰহাৰ কৰে আৰক্ষী নায়ক পৰেশ ডেকাই ৷ পিছত আব্দুল আলীয়ে কৰ্তব্যৰত আৰক্ষীগৰাকীক বাটামেৰে মৰিয়াই কৰে ৰক্তাক্ত ৷

নিশাই আৰক্ষী নায়ক পৰেশ ডেকাক গোৰেশ্বৰৰ এখন চিকিৎসালয়ত ভৰ্তি কৰায় । আহত আৰক্ষীগৰাকীৰ মুৰত চাৰিটাকৈ চিলাই কৰে চিকিৎসকে।

ইতিমধ্যে ঘটনাৰ সন্দৰ্ভত আৰক্ষী নায়ক পৰেশ ডেকাই দাখিল কৰিছে এখন এজেহাৰ ।