আকাশৰ পৰা হঠাৎ সৰি পৰিল লাখ-লাখ চৰাই, ৰাজপথ ভৰিল পক্ষীৰ মৃতদেহৰে…

ছ’চিয়েল মিডিয়াত খলকনি তুলিছে এটা ভিডিঅ’ই। আকাশৰ পৰা হঠাৎ সৰি পৰিছে লাখ-লাখ চৰাই। মেক্সিকোৰ চিহোৱাহোৱাত অকস্মাৎ আকাশৰ পৰা সৰি পৰিল কণ-কণ হালধীয়া টুপীমূৰীয়া চৰাই।

https://twitter.com/nowthisnews/status/1493395384462237696

কানাডাৰ পৰা মেক্সিকোলৈ আহিছিল এই চৰাইৰ জাকটো। পিছে এতিয়াও ৰহস্যৰ আৱৰ্ত্তত চৰাইবোৰৰ মৃত্যুৰ কাৰণ। কিছু লোকৰ মন্তব্য অনুসৰি হয়তো মেক্সিকোত হোৱা প্ৰদূষণ, 5G টেকন’লজী আৰু বিজুলীৰ তাঁৰৰ বাবেও সংঘটিত হ’ব পাৰে এই দুৰ্ঘটনা।

উল্লেখ্য যে, ৭ ফেব্ৰুৱাৰীতে সংঘটিত হৈছিল এই ঘটনা। মাটিত সৰি পৰাৰ লগে-লগে কিছু চৰাই উৰি যাবলৈ সক্ষম হয় যদিও আঘাতপ্ৰাপ্ত বহু চৰাইৰ থিতাতে মৃত্যু হয়।

চৰাই বিশেষজ্ঞৰ মন্তব্য অনুসৰি ডাঙৰ পক্ষীয়ে আক্ৰমণ কৰাৰ বাবেও হয়তো মাটিলৈ নামি আহে চৰাইৰ জাকটো। উল্লেখ্য যে, ২০২১ চনত ভাৰততো 5G নেটৱৰ্কৰ বাবে পক্ষীৰ মৃত্যুৰ ঘটনা পোহৰলৈ আহিছিল। মেক্সিকতো এই ঘটনাৰ আঁৰত 5G নেটৱৰ্ক থকাৰ কথা উল্লেখ কৰিছে বহুজনে।