বুধবাৰে বঙাইগাঁৱত অনুষ্ঠিত হ’ল ৰাজ্যিক কেবিনেট বৈঠক। কেবিনেট বৈঠকৰ পাছত মুখ্যমন্ত্ৰী ড০ হিমন্ত বিশ্ব শৰ্মাই সম্বোধন কৰে সংবাদমেল। এই সংবাদমেলত কেইবাটাও গুৰুত্বপূৰ্ণ ঘোষণা মুখ্যমন্ত্ৰীৰ।
এই গুৰুত্বপূৰ্ণ ঘোষণাৰ ভিতৰত অন্যতম-চৰকাৰী চাকৰিয়ালে পাবলগীয়া বিশেষ ছুটী। পিতৃ-মাতৃ থকা চৰকাৰী কৰ্মচাৰীয়ে লাভ কৰিব এক বিশেষ ছুটী। কৰ্মচাৰীসকলে ৪ দিনৰ বাবে চৰকাৰী ছুটী লাভ কৰিব। প্ৰত্যেক বৰ্ষৰ ৬,৭ জানুৱাৰীত চৰকাৰী কৰ্মচাৰীয়ে পাব এই অতিৰিক্ত ছুটী। আনহাতে, ৮,৯ জানুৱাৰীত দুদিন ছুটী পাব একাংশ কৰ্মচাৰীয়ে।
পিতৃ-মাতৃৰ কাষত থাকিবলৈ এই বিশেষ ছুটী ঘোষণা মুখ্যমন্ত্ৰীৰ। এইকেইদিন পিতৃ-মাতৃৰ সৈতে সময় কটাব লাগিব কৰ্মচাৰীয়ে। আনহাতে, পিতৃ-মাতৃ অথবা শাহু-শহুৰ নথকা চৰকাৰী কৰ্মচাৰীয়ে নাপাব অতিৰিক্ত ছুটী। মন্ত্ৰীসকলেও ল’ব পাৰিব অতিৰিক্ত ছুটী। অৱশ্যে আৰক্ষীৰ লোকে নাপাব এনে ছুটী।
